نسبة كبيرة جدا من الامهات بتشتكي من ان ابنها او بنتها بينقلو اسرار بيتهم لكل الناس او لاي حد بيتعامل معاه الطفل
طبعا لازم نبقي فاهمين ان اي سلوك للطفل سواء كان ايجابي او سلبي فاكييد الاب والام ليهم دور كبير في كده وهنعرف ازاي
اولا:
مثلا ابنك كان عند جدتو او عند جارتك بيلعب مع اطفالها مينفعش لمايرجع انتي تقوليلو انتو عملتو ايه وقولتو ايه
كتير مننا بيقع في الغلط ده وهو مش اخد بالو بس انتي كده بتعلمي الطفل ان اي حاجة يشوفها في اي مكان لازم يحكيها وبالتالي اللي هيحصل جوة البيت مهما كان خاص هيحكيه لان هو مش هيعرف يفرق بين الكلام العادي والاسرار اللي مينفعش تطلع
ثانيا:
مينفعش ابنك يشوفك وانتي بتتكلمي في التيليفون او قاعدة مع اصحابك بتحكيلهم تفاصيل حياتك واخبار يومك كلو وانتي وجوزك واطفالك عماتو ايه ....علشان الطفل بيقلد الام والاب في كل حاجة فهو بردو هيعمل زيك ولما يشوف اي حد هيعديحكيلو تفاصيل كل حاجة جوه البيت
ثالثا:
التزمي بطريقة الحوار مع ابنك يعني كل فترة تطرحي موضوع وتتناقشي معاه فيه مثلا في موضوع ان مينفعش ان احنا نحكي اي حاجة بتحصل جوة بيتنا وكمان نعلمو انو ميحكيش اي تفاصيل عن اي بيت هو موجود فيه وانتي كمان تعملي كجه وتشجعيه واحدة واحدة هتلاقيه اتعلم
رابعا:
لما ابنك يسمع كلامك في موضوع عدم نقل اسرار البيت لحد كافئيه بهدية صغيرة صدقيني هتفرق معاه اوي و هتشجعيه جامد
• انا كده خلصت وطبعا كل الكلام اللي قولتو ده من وجهة نظري لو انتي عندك رأي تاني شاركيني بيه في الكومنتات
واكتبولي عن المواضيع اللي تحبوني اتكلم فيها ....
سلام♥
تعليقات
إرسال تعليق