ازيكو ....
النهاردة اناحابة اتكلم معاكو اعتبروني بفضفض معاكو
....طبعا كلنا عارفين ان مفيش حد حياتو كلها سعيدة وكمان بردو مفيش حد حياتو كلها تعيسة لازم يحصل توازن بين الاتنين ولازم نشكر ربنا في كلا الحالتين وهتكلم النهاردة عن الظروف الصعبة ....بصو بقي الظروف الصعبة دي ممكن تأثر فينا بشكلين يا اما تحطمنا و تخلينا نرجع ١٠ سنين ورا وممكن تقوينا وتخلينا نطور من نفسنا وتقوينا ..احنا بقي لازم نركز ان احنا نقوي نفسنا وناخد المواقف الصعبة دي علي انها دروس الحياه بتعلمهالنا و بتتضاف لرصيد خبرتنا لا وكمان بتزود ايمانا وبتقربنا من ربنا اكتر
والنهاردة هقولكو علي حاجات نعملها في الفترة دي علشان تعدي باقل الخساير نفسيا وجسديا ومعنويا
•اتفائلو
اتفائلو بالخير تجدوه ....بجد فعلا متعدوش تفكرو في السلبيات وتحبطو نفسكو وتكتئبو بقي والجو ده لا فكرو فس الايجابيات وايه اللي ممكن يتعمل علشان تطلعو من المشاكل دي بسرعة
•قرب من ربنا اكتر
ربنا اللي حطك في الظروف دي علشان يختبر صبرك او يختبر مدي ايمانك بيه ومتنسوش ان ربنا بيبتلي عبدو اللي بيحبو
استغفرو كتيير اوي .....بجد الاستغفار هو اللي مفتاح الفرج لاي شدة
اشكي لربك هو اقدر الناس انو يزيل همك ويفرج كربك وهو اللي هيساعدك ...متروحش بقي تشكي لاي انسان وتسيب ربنا
•مارس حياتك عادي
يعني متوقفش كل حياتك علي المشكلة اللي عندك لان ببساطة هي جزء من حياتك مش كل حياتك و هتاخد وقتها وتعدي وحياتك هتستمر
•اقرأ قرأن
ممكن اللي كتير مننا مش بيركز فيه ان في القرأن حل لكل مشاكلنا يعني وانت بتقرأ كده هتحس ان ربنا بيكلمك وبيبعتلك رسايل هتوصلك لحل كل مشاكلك
•النقطة دي بقي حابة احكيلكو حاجة
شارلي شابلن دكتور ومان بيلقي عاي طلابه محاضرة فقال نكتة فكل الطلاب ضحكو وبعدين عادها تاني كام طالب بس اللي ضحك و عادها مرة كمان بس ولا حد ضحك
فقالهم ليه بنعد نبكي ونخزن علي مشاكلنا الف مرة
ومش بنضحك ونفرح للسعادة غير مرة او اتنين
•وبكده اكون خلصت النهاردة ارجو ان انا مكونش تقلت عليكو لو حابين تشاكوني باي شئ اكتبولي في التعليقات وهرد عليكو
تعليقات
إرسال تعليق