ازيكو عاملين ايه
النهاردة هكلمكو في موضوع من المواضيع المهمة جدا .........سيجموند فرويد قعد اكتر من ٣٠ سنة يعالج مرضاه بانو يسمع كلامهم و هما قاعدين علي الشزلونج و بعد كده في اخر حياتو اكتشف ان بعض مرضاه لما كانو بيحكولو عن صدماتهم الجنسية كان من وحي خيالهم و ان كلامهم مكنش حقيقي ...وبعد كده جه فريتز بيرلز وقعد يدور علي طريقة اصدق من الكلام و اخيرا اكتشف الجسد و حركاته و عمل مدرسة للغة الجسد و سماها الجشتالت و اكتشف بيرلز ان كتير مننا كلامهم منفصل عن جسمهم منفصل عن مشاعرهم منفصل عن افكارهم
فعلشان كده لازم نعرف ان جسمنا ده زي متحف الحفريات طبعا هتسالو و تقولو ازاي
انا هقولكو
يعني مثلا بنت عندها ٣ سنين لابسة فستان و مبسوطة و طايره بيه من الفرحة تروح مامتها تقولها ايه قلة الادب دي لفستان ضهرو عريان ضهرك منساش الموقف ده و هيفضل فاكرو
وانت مع باباك في عزومة عند ناس وانت بتمد ايدك علي الاكل فباباك بصلك بصه نشفت ايدك مكانها عضلات ايدك قررت تفضل فاكرة الموقف ده
من لعب الكورة و
وانت راجع من الشارع برجليك متوسخةوانت لسة بتمد رجلك تدخل مامتك زعقتلك و قالتلك اوعي تدخل وتدوس علي السجاد رجلك خزنة الطاقة اللي كانت فيها و محتفظة بيها لحد النهارده
لو غلط اي غلطة واخدت بالقلم علي وشك عضلات وشك هتفضل فاكرة القلم ده
علشان كده الجسم لما ببكبر اللي بيجيلو قولون عصبي واللي بيجيلو الزهايمر و حاجات تانية كتيره اوي الفرق ان كل جسك بيعبر عن الالام اللي كتمها جواه بطريقتو
كمان حاجة مهمة اوي منتشرة في مجتمعنا و هي ان انت تكون بتشتكي من وجع في اي جزء في جسمك و تروح للدكتور يقولك انت سليم ميه في الميه السبب نفسي او بعد ما تاخد الدوا و الوجع يروح بس انت لسة بتشتكي مع ان انت بتكوش اتشفيت اكلينكيا
و ده نتيجة ان التعبير عن المشاعر في المجتمع غير مقبول يعني مثلا عندنا هنا في مصر التعبير عن المشاعر غلط و عيب و قلة ادب و كمان محن
وعلشان كده احنا من المجتمعات اللي بتنتشر فيها الظاهرة دي
وده بيكون غلط من الاب و الام و المجتمع بسبب العادات والتقاليد و الجهل والفهم الغلط للدين
حاولو تغيرو من طريقة تفكركو و ربو عيالكو علي الافكار الصحيحة و عودوهم يعبرو عن مشاعرهم ومتخلوش عندهم كبت ومتهلوهمش يخافو منكو
احنا بنشتكي من المجتمع واحنا اللي مبوظينو واحنا اللي في ايدينا نصلحو
و دي كانت رسالتي ليكو النهاردة اتمني تكون عجبتكو واتمني تشاركوني ارائكو وافكاركو في التعليقات و تشاركوني بالموضوعات اللي تحبو نتكلم فيها
السلام عليكم 👋👋
متنسوش تشتركو بايميلكوا علشان يوصلكوكل جديد
تعليقات
إرسال تعليق