النهاردة انا بكتب لكل بنت علشان تعرف قيمة نفسها وتعرف اد ايه هي قوية واقوي من ما هي تتخيل كمان
رغم ان معظم المجتمعات مش بتعطي البنت قيمتها اللي المفروض تاخدها بس لو فكرنا شوية هنلاقي ان اي مجتمع من غير الست هيكون صفر علي الشمال.......انتي كبنت كبيرة او صغيرة لازم تعرفي قيمة نفسك كويس ومتخليش اي حد يكسر ثقتك في نفسك لازم تحطي لنفسك اهداف تساعدك انك تطوري من نفسك واسعي في تحقيقها مهما كانت الظروف لازم تحاربي علشان تحققي اهدافك حتي لو كان الكل ضدك.......مثلا لو انتي امو عندك اطفال ....متقوليش انا حياتي وقفت خلاص و توقفي انك تهتمي بنفسك وان يكون ليكي حياتك المستقلة ......انتي كده بتبقي سلبية و لما تكبري هتندمي.... لكن لو نظمتي وقتك وخصصتي لنفسك جزءمن يومك تحاولي فيه تطوري من نفسك وتتعرفي علي ميولك وتحاولي تستغليها بطريقة مفيدة اولا ثقتك بنفسك هتكبر ثقافتك هتزيد هتكوني سعيدة وتحسي بوجودك وهتتحققي حاجات كتيير ليكي وللاشخاص اللي حواليكي
علماء النفس دايما بيقولو ان الشخص هو اول مؤثر علي نفسه يعني مثلا لو الشخص كل شوية يقول انا فاشل انا مش بثق في نفسي المخ بيسمع الكلام ده وفعلا بيخلي الشخص ده فاشل و مش واثق في نفسو ....ولو العكس اللي حصل ان الشخص يقول انا ناجح وقادر اخوض اي اختبار ....فالعقل بيسمع وبيترجم الكلم ده وبينفذو فعلا
مش معني ان انت فشلت مرة واتنين وتلاتة انك خلاصتيأس لا ....طول ما انت بتتنفس و قادر تتحرك وتفكر افضل حاول
اديسون فضل يفشل 99 مرة وما حسش بالياس لا حاول للمرة المية ونجح فيها و اخترعلنا المصباح
اقرأيكتيير و ثقفي نفسك و اتعلمي مهارات جديدة ولغات جديدة
دايما اسمعي لقصص الاشخاص اللي نجحو في حياتهم وخصوصا البنات و حاولي تشوفي الحاجات الايجابية
طريق النجاح مش سهل ولازم هتفشلي كتيير و هتقعي كتيير قبل ما توصلي للنجاح او لهدفك بس اوعي تفقدي الامل و تبطلي تحاولي حاولي و خليكي واثقة ان علي اد ماتتعبي هتاخدي مقابل تعبك
انتي قوية ومتسمحيش لاي حد يخليكي تشوفي نفسك غير كده
لو الكلام عجبكو يا ريت تشاركوني رايكو ولو في اي اسئلة يا ريت تكتبوها في الكومنتات ويا ريت تقولولي ايه الموضوعات اللي حابين اتكلم عتها في اي مجال من المجالات ونتناقش مع بعض
تابعوني علي
snapchta:menna0ahmed
__instagram:@__menna.ahmed
تعليقات
إرسال تعليق